Helreið Oðins/ Odin’s Ride to Hel – Einar Selvik
♬
Senn váru Æsir
Allir á þingi
Ok Ásynjur
Allar á máli
Ok um þat réðu
Ríkir tívar
Hví væri Baldri
Ballir draumar
Upp reis Óðinn
Alda Gautr
Ok hann á Sleipni
Söðul of lagði
Reið hann niðr þaðan
Niflheljar til
Mætti hann hvelpi
ÞEim er ór Helju kom
Sá var blóðugr
Um brjóst framan
Ok galdrs föður
Gól of lengi
Fram reið Óðinn
Foldvegr dunði
Hann kom at hávu
Heljar ranni
ÞÁ reið Óðinn
Fyrir austan dyrr
ÞAr er hann vissi
Völu leiði
Nam hann vittugri
Valgaldr kveða
Unz nauðig reis
Nás orð of kvað
» Hvat er manna þat
Mér ókunnra
Er mér hefir aukit
Erfitt sinni?
Var ek snivin snævi
Ok slegin regni
Ok drifin döggu
Dauð var ek lengi. «
» Vegtamr ek heiti
Sonr em ek Valtams
Segðu mér ór helju
Ek mun ór heimi
Hveim eru bekkir
Baugum sánir
Flet fagrlig
Flóuð gulli?
Hér stendr Baldri
Of brugginn mjöðr
Skírar veigar
Liggr skjöldr yfir
En ásmegir
Í ofvæni
Nauðug sagðak
Nú mun ek þegja. «
- Titre la chanson : Helreið Oðins/ Odin’s Ride to Hel
- Par : Einar Selvik
- Hashtags populaires : #Helreið #Oðins #Odins #Ride #Hel
On vous invite à partager les paroles avec vos #amis sur Facebook et Snap 🎶 !
